Dyddiadur Pysgota Môr - gweithgaredd misol! - March !

Pwy sy’n Cynnal y Prosiect Dyddiadur Pysgota Môr â Gwialen?

Comisiynir yr ymchwil gan Ganolfan yr Amgylchedd, Pysgodfeydd a Gwyddor Acwafeithrin (Cefas) ar ran llywodraethau`r DU ac fe`i gwneir gan Substance sydd eisoes wedi ymgymryd â thoreth o ymchwil er mwyn cefnogi datblygu pysgota â gwialen yn y DU yn ystod y degawd diwethaf. Am fwy o wybodaeth ynghylch rhywfaint o waith blaenorol Substance ar bysgota â gwialen, gweler ein Safle Ymchwil Pysgota â Gwialen..

Pam Cynhelir y Prosiect Dyddiadur Pysgota Môr â Gwialen?

Bydd canlyniadau`r astudiaeth dyddiadur yn helpu`r DU i gwrdd â`i rhwymedigaethau i adrodd am ddalfeydd hamdden o rywogaethau penodol fel y nodir gan Fframwaith Casglu Data`r UE a Rheoliad 1224/2009 Cyngor yr UE. Sefydlwyd y Fframwaith Casglu Data yn 2002 i annog Aelod Wladwriaethau`r UE i gasglu digon o ddata i ganiatáu i gyflwr stociau pysgod Ewropeaidd gael eu monitro mewn dull mor gywir â phosibl gan y Cyngor Rhyngwladol ar Archwilio`r Moroedd a chan Bwyllgor Gwyddonol, Technegol ac Economaidd yr UE ar Bysgodfeydd. Mae`n gofyn am gasglu data pysgodfeydd hamdden o bob math o bysgota nad yw`n fasnachol o`r lan ac o gychod.

Ar gyfer beth y defnyddir y data?

Rhoddir y data a gesglir i`r rhai sy`n llunio polisi lleol a chenedlaethol er mwyn iddynt ddod i benderfyniadau mwy deallus ynghylch rheoli pysgodfeydd, yn ogystal â darparu gwybodaeth ar gyfer y gymuned pysgota môr â gwialen i`w helpu i ddatblygu eu barnau a`u polis�au eu hunain. Mae bod yn berchen ar ddata sydd mor gywir â phosibl am beth a ddelir, a ryddheir ac a warir gan bysgotwyr môr â gwialen yn y DU o gymorth i alluogi`r gymuned pysgota môr â gwialen i ddangos ei effaith wirioneddol yn fwy effeithiol.

Bydd data o Bysgota Môr â Gwialen 2017 yn caniatáu i lywodraethau`r DU fod â darlun mor gywir â phosibl o bysgota môr â gwialen yn y DU beth sy`n cael ei ddal a faint sy`n cael ei wario.

Beth oedd Pysgota Môr â Gwialen 2012 a Physgota Môr â Gwialen 2016?

Mae Pysgota Môr â Gwialen 2016 yn brosiect cyfredol lle mae 500 o bysgotwyr môr â gwialen yn cwblhau dyddiadur ar-lein am eu teithiau a`u dalfeydd pysgota môr â gwialen eleni. Mae dyddiadurwyr hefyd yn darparu manylion am beth maent yn ei wario ar deithiau pysgota môr â gwialen a phryniadau pysgota â gwialen er mwyn dangos gwerth economaidd y gweithgaredd.

Roedd Pysgota Môr â Gwialen 2012 wyn brosiect ymchwil amlochrog y bu dros 11,000 o enweirwyr yn Lloegr yn gyfrannog ynddi er mwyn darparu gwybodaeth am beth wnaethant ei ddal a faint wariwyd ganddynt. Amcangyfrifodd :

• Bod 884,000 o bysgotwyr môr â gwialen yn Lloegr, 2% o`r holl oedolion
• Eu bod wedi gwario £1.23biliwn ar y gamp, gan gynnal 23,600 o swyddi, unwaith bod effeithiau anuniongyrchol ac anwythol wedi`u cymryd i ystyriaeth
• Y rhywogaethau mwyaf cyffredin a ddaliwyd, yn ol nifer, oedd mecryll a gwyniaid y môr.
• Rhyddhaodd bysgotwyr â gwialen ar y lan oddeutu 75% o`r pysgod a ddaliwyd, yr oedd llawer ohonynt yn rhy fychan, a rhyddhaodd bysgotwyr â gwialen mewn cychod oddeutu 50% o`u pysgod.

Gallwch gyrchu mwy o wybodaeth am Bysgota Môr â Gwialen 2012 trwy lawrlwytho`r Adroddiad Terfynol yma..